Del artikkelen |

Carice Anouk van Houten. Fødd 5. september 1976, Leiderdorp, Nederland. Nederlandsk skodespelar i teater, film og fjernsyn, musikar. Van Houten gjekk på the St. Bonifatiuscollege i Utrecht, der ho spelte hovudrolle i Hugo Claus sitt skodespel Tijl Uilenspieghel. Van Houten studerte ei kort tid ved the Maastricht Academy of Dramatic Arts, og har også hatt eit studieår ved the Kleinkunstacademie i Amsterdam.

Carice van Houten. 2008. Foto: WikiCommons

Ho deltok i framsyninga Spanish Riders (1999), ei Hamlet-oppsetjing i 2000, i rolla som Polly Peachum i Brechts Tolvskillingsoperaen (2000), tittelrolla i ei oppsetjing av Ibsens Hedda Gabler (2003), i rolla som Catherine i komedia Proof (2003), i rolla som Masja i Tsjekhovs Måken (2003), som Viola i Shakespeares Twelfth Night (2006) og i rolla som grevinne Francesca i Casanova i Balzano (2008).

Van Houten har medvirka i nesten 30 filmproduksjonar. For norsk filmpublikum er ho kjend i rolla som fru Stauffenberg i Valkyrie (2008) der ho spelte mot Tom Cruise i rolla som grev Stauffenberg. Denne rolla fekk ho etter innsatsen som Rachel Stein i filmen der ho fekk sitt internasjonale gjennombrot, den prisløna Black Book frå 2006.

For norsk fjernsynspublikum er ho mest kjend i rolla som prestinna Melisandre i HBO sin fantasyserie Game of Thrones. Serien hadde premiere i USA 17. april 2011 og van Houten har vore med sidan 2012.

Relatert link:
Carice van Houten Eiga heimeside.
Wikipedia.