Del artikkelen |

Christopher Catesby "Kit" Harington. Fødd 26. desember 1986, London, England. Engelsk skodespelar i teater, film og fjernsyn. Kit budde i London til han var elleve år. Då flytte han til Worcester, Worcestershire, til han vart 18 og flytte så attende til London. Han gjekk på Southfield Primary School frå 1992 til 1998. Deretter gjekk han på Chantry High School frå 1998 til 2003. Vidare studerte han Drama and Theatre Studies ved Worcester Sixth Form College frå 2003 til 2005. Han vart uteksaminert frå the Central School of Speech and Drama in 2008.

Kit Harington. September 2013. Foto: Gage Skidmore WikiCommons

Før han byrja å spele teater drøymte Harington om å bli journalist, kameramann eller krigskorrespondent. Men allereie medan han gjekk på skule fekk Harington rolla som Albert i the Olivier Theatre sin versjon av War Horse (2008-2009, Olivier Theatre og New London Theatre). Skodespelet fekk to Oliver Awards, og Harington fekk mykje merksemd for arbeidet sitt. Seinare fekk han rolla som Ed Montgomery i skodespelet Posh, (2010, ved Royal Court Theatre), ei mørk komedie om unge overklassemenn som studerte ved Oxford University.

For norsk fjernsynspublikum er Harington mest kjend i rolla som Jon Snow i HBO sin fantasyserie Game of Thrones (2011-2014). Han tolkar også rolla som slaven og gladiatoren Milo i den historiske katastrofefilmen Pompeii (2014).