FAGLITTERATUR / Teaterleksikon / C
(annonse)

Denne side endret
15. mars 2014

HOVEDSIDE
Om Teaternett
FAGLITTERATUR
Teaterleksikon
Bibliotek
SØK



Teaterleksikon

<< Tilbake 

  Fram >>

C

Cooper, Dominic

Del artikkelen |

Dominic Edward Cooper. Fødd 2. juni 1978 i Greenwich, London. Engelsk skodespelar i teater, film og røysteleggjing. Han gjekk på Thomas Tallis School i Kidbrooke, London og på John Ball Primary School. Han studerte ved the London Academy of Music and Dramatic Art (LAMDA) og vart uteksaminert i 2000.

Dominic Cooper.
September 2009.
Foto: gdcgraphics
WikiCommons
DominicCooperWikiCommons-crp.jpg (58804 bytes)

Cooper byrja å arbeide i fjernsyn og film før han hadde sin scenedebut ved the Royal National Theatre i London, som Thomas/Joshi i Mother Clap's Molly House (2001). Cooper var med i Alan Bennett sitt skodespel The History Boys i rolla som Dakin (2004-2006). Han var med på turneen til produksjonen, til Broadway, Sydney, Wellington og Hong Kong, og har også vore med i dette stykket i radio- og i filmversjon. Han hadde også rolla som Will Parry i the Royal National Theatre sin versjon av His Dark Materials-trilogien (2003-2004) basert på fantasy-noveller av Philip Pullman. Cooper har også spelt rolla som Puck i Ein midtsommarnattsdraum av Shakespeare ved Royal Shakespeare Company (2002) og som Hippolytus i Racine sitt skodespel Phèdre ved Royal National Theatre og Shakespeare Theatre Company (2009).

Cooper byrja karriera si som skodespelar i fjernsyn og film. Frå 2001 har han delteke i mange film- og fjernsynsproduksjonar. For norsk publikum er Cooper mest kjend i rolla som Dino Brewster i Need for Speed (2013), Sky i Mamma Mia! (2008), som Howard Stark i Captain America: The First Avenger (2011), som Latif Yahia og Uday Hussein i The Devil's Double (2011) og som Howard Stark i Captain America: The Winter Soldier (2014).

Cooper har fått stor anerkjenning for arbeidet med The History Boys. Mellom anna fekk han i 2006 Drama Desk Award for Broadway-versjonen av stykket. Han vart nominert til the Most Promising Newcomer (On Screen) award (BAFTA, 2006) og vart også nominert til the British Film Critics' Circle's 2006 award for British actor in support for fiilmversjonen av The History Boys.

<< Tilbake 

  Fram >>

 

A  B  C  D  E  F  G  H  I   J  K  L  M  N  O  P  Q  R  S  T  U  V  W  X  Y  Z  Æ  Ø  Å  



Teaternett arbeider med å bygge opp en database over teaterfaglig stoff, begreper og navn under overskriften teaterleksikon. Send oss også gjerne tips! Vår adresse er: teaternett@teaternett.no