Del artikkelen |

Christian Michael Leonard Slater, fødd 18. august 1969 i New York City, USA. Amerikansk skodespelar i teater og film.

Christian Slater. 2006. Foto: GabboT. WikiCommons

Slater hadde sin scenedebut på Broadway i The Music Man (1980). Han har også medverka i Broadwayoppsetjingar som Copperfield, Merlin, Macbeth, Side Man og Glasmenasjeriet. På London's West End har han også medverka i Gaukereiret (One Flew Over the Cuckoo's Nest) og som Buddy i ein sceneversjon av Swimming With Sharks ved London's Vaudeville Theatre i oktober 2007.

Slater har medverka i eit stort tal filmar. For norsk publikum er Slater aktuell i rolla som far til hovedkarakteren Joe i den danske filmskaparen Lars von Trier sin film Nymphomaniac (2013). Han vart kjend i 1986 som filmskodespelar i rolla som den unge novisen Adso frå Melk i filmen Namnet til rosa (The Name of the Rose) der han spelte mot Sean Connery. Andre døme er Young Guns 2 (1990), Star Trek VI: The Undiscovered Country (1991), True Romance (1993), Intervju med vampyren: Vampyrkrønikene (Interview with the Vampire: The Vampire Chronicles - 1994), Broken Arrow (1996), Windtalkers (2002), The Confessor (2006).