Del artikkelen |

Emily Olivia Leah Blunt. Fødd 23. februar 1983 i Roehampton i South West London, England. Skodespelar i teater, film og røysteleggjing. Blunt gjekk på skule på Ibstock Place School og byrja som 16-åring på Hurtwood House, ein privatskule kjend for programmet sitt i framføringskunst. Her vart ho oppdaga av ein agent.

Emily Blunt. Oktober 2012. Foto: gdcgraphics. WikiCommons

Blunt gjorde sin profesjonelle scenedebut i stykket The Royal Family. I 2002 heldt ho fram som teaterskodespelar, som Eugenie in Nicholas Wright sitt skodespel Vincent in Brixton ved the National Theatre, og som Julie i produksjonen av Romeo og Julie ved Indhu Rubasingham på Chichester Festival Theatre.

Blunt har frå 2003 medverka i mange filmar, og er best kjent for eit norsk publikum som Emily Charlton mot mellom andre Meryl Streep, Stanley Tucci og Anne Hathaway i The Devil Wears Prada (2006). For denne rolla fekk Blunt London Film Critics Circle Award for beste britiske birolle, og fleire nominasjonar i ulike kategoriar. Ho spelte også tittelrolla i The Young Victoria (2009) og prinsesse Mary i Gulliver's Travels (2010). Fleire filmar der skodespelaren medverkar er under produksjon i 2014: I Edge of Tomorrow er ho med som Rita Vrataski, i Into the Woods som kona til bakaren og i The Wind Rises som røysta til Nahoko Satomi.