|
|
|
|
Teaterleksikon
|
<< Tilbake |
Fram >> |
N
naumachia |
Arrangerte sjøslag
for publikum, teaterform i det antikke Roma. Amfiteatra, som til dømes Colosseum, vart fylt opp med vatn og det
vart utkjempa slag mellom to grupper av kampslavar (gladiatorar) for å underhalde publikum. Kampen gjekk føre seg på
liv og død for dei involverte aktørane, som ofte kom frå folkegrupper som romarane
hadde undertrykt. Naumachia var ei viktig teaterform for romarane, som hadde militær
dominans på Middelhavet som eit viktig grunnlag for makta si. Teaterforma understreka
herreveldet til det romerske imperiet.
I renessansen vart naumachia-forma teken opp att både i Italia og i Frankrike, men utan
at kampen gjekk på liv og død for aktørane. Her vart temaet ofte møtet mellom dei
europeiske erobrarane og dei innfødde i den ny-oppdaga verda, til dømes indianarane i
Amerika.
I våre dagar kan vi sjå mindre likskapar til naumachia til dømes i barne- og
familieframsyningane om sjørøvaren Kaptein Sabeltann i Kristiansand Dyrepark. Attraksjonane byggjer på
den allmenn-menneskelege dragninga mot vatn, pyrotekniske verkemiddel og klar
konflikt, mellom "det gode" og "det vonde".
I film, først og fremst innan actiongenrene, er desse effektorienterte elementa meir
dominerande og meir reindyrka realistiske gjennom moderne datateknologi, som til dømes i
den amerikanske filmen Pearl Harbor. Hadde romarane hatt høve til å
biletleggje kampane med Karthago på same måten hadde dei truleg gjort det.
|
Teaternett arbeider med å bygge opp en database over teaterfaglig stoff, begreper og navn
under overskriften teaterleksikon. Send oss også gjerne tips! Vår adresse er: teaternett@teaternett.no
|
|
|