DUS står for Den Unge Scenen: Og bak denne tittelen står eit teaterprosjekt som skal få fram ny dramatikk for ungdom.

Til helga er det duka for regional DUS-festival med ungdommar frå sju ulike grupper på Det Åpne Teater i Oslo. Dei møtes for å vise fram resultata av skodespel dei sjølve har vald å setje opp. Både Finn Iunker, Jon Fosse og Liv Heløe er representert.

Sju teaterinstitusjoner i seks regionar over heile Noreg er saman om DUS. Ideen har opphavet i det engelske Connections som vart etablert i 1994. Alle tekstane som gruppene set opp er nyskrevne bestillingsverk. I alt 27 grupper i nettverket har utspringet i ulike miljø, som teater, skular, kulturskular, teaterlag, ungdomsklubbar og frittståande teatergrupper.

I dei seks regionane vert det halde festivalar, der vinnarane går vidare til nasjonal finale på Det Norske Teatret i slutten av mai.

Relatert link:
www.denungescenen.no

Teaternett formidlar nytt frå norsk og internasjonalt teater. Hjelp oss å være oppdatert! Skjer det noko der du er - send oss eit tips! Vår epostadresse:  teaternett@teaternett.no