På Black Box er det duka for ei framsyning utanom det vanlege. Fransk-østerrikske Superamas er i Oslo med produksjonen BIG, 2nd Episode.
Ifylgje ei pressemelding blandar framsyninga humor og intelligent samfunnskommentar, skodespelkunst og moderne medieteknologi.

Framsyninga inneheld film, dans, eksplosjonar, musikkvideoar, bomberaid, langbeinte flyvertinner og homofile moteslavar.

Kunst, pengar og Rolls Royce
Temaet er ifylgje pressemeldinga kunst og pengar, kritikk og kommersialisme. To menn og ei flyvertinne møtes i kosmetikkavdelinga på ein flyplass og startar ein samtale om kosmetikk. Scenen utspelar seg som i ein film. Den blir tilbakespolt, loopa, dubba og redubba. Superamas spør mellom anna om ein må nytte populærkulturens ordforråd for å analysere populærkulturen?

Forestillinga tek utgangspunkt i eit møte Superamas hadde med direktøren for Rolls Royce: Kva kan eit teaterkompani tilby verdens mest sagnomsuste produsent av bilar og flymotorer?

Teaternett formidlar nytt frå norsk og internasjonalt teater. Hjelp oss å være oppdatert! Skjer det noko der du er - send oss eit tips! Vår epostadresse:  teaternett@teaternett.no