Fanny Holmin og Haugesund Teater presenterer forestillinga:

Håp - ein absurd einaktar.
URPREMIERE TORSDAG 20.NOVEMBER

Håp er ein absurd einaktar skrive av poet og scenekunstnar Fanny Holmin.

I eit intenst og tett drama fylgjer vi to kvinner som på ulikt vis prøver å forholde seg til ein manns konstante og uuthaldelege liding. Konflikten mellom kvinnene tilspissar seg når det som fyrst var medkjensle bikkar over i frustrasjon og aggresjon. Stykket balanserer mellom det tragisk groteske og det absurd komiske, på same vis som menneske gjerne forheld seg til ekstreme situasjonar.

Dette er ein co-produksjon mellom Fanny Holmin og Haugesund Teater.

Poeten, som er busett i Bergen, debuterer både som dramatikar og skodespelar i denne forestillinga. Med seg på scena har ho Vera Holte og Håkon Karoliussen. Musikk av Dj Barabass.

Forestillingar i Haugesund Teaters Intimscene på Festiviteten:

Urpremiere Torsdag 20. november kl. 1930

Fredag 21. november kl. 1930

(Skuleforestilling på dagtid torsdag og fredag)

Medverkande:

Produsent: Fanny Holmin

Co-produsent: Haugesund Teater

Manusforfattar: Fanny Holmin

Regissør: Håkon Karoliussen

Skodespelarar: Vera Holte, Fanny Holmin, Håkon Karoliussen

Musikk: Gunnar Innvær (Barabass)

Lysdesign/Teknikk: Tom Erik Anfinsen

Video: Frode Nordås

Produsert med støtte frå Fond for Lyd og Bilde, Fond for Utøvende Kunstnere og Hordaland Fylkeskommune.