Teppet opp for PAE WHITE

118 kunstnarar var med på konkurransen, mellom desse 46 norske. Men jobben med å lage sceneteppe til Bjørvika-operaen går til ei amerikansk jente frå Los Angeles.

Teppet blir 10 x 18 meter stort, og har fått tittelen MetaFoil, wawing wool into Gold.

Juryen grunngjev ifylgje Nettavisen valet med at sceneteppet MetaFoil markerer både skillet og møtet mellom scene og sal, mellom forestilling og publikum, og mellom fiksjon og røyndom.

Ein strålande fornøgd vinnar, Pae White (42), er fascinert av det norske lyset, og lys er eit sentralt tema i teppet.
- Lyset som slår inn på ei dynamisk flate, er med på å skape eit veldig sterkt inntrykk. Ved at eg på ein måte overfører lyset frå ei flate til ei anna vert det skapt ei bildetolking i ulike fargar og fasongar, seier ho til NRK.

Heavy metal
- Eg ville lage eit heavy metal-stykke, ei jern og stålgardin. Og så har eg tenkt mykje på korleis noko kan vere lys utan å vere lys. Det er millionar av lyselement i teppet. Det er bomullstrådane som lagar lyset, seier White vidare, til Aftenposten.

Relatert link
Amerikansk sceneteppe Av Odd Inge Skjævesland Aftenposten 4. mai 2005
Amerikansk sceneteppe i operaen Av Anne-Kristin Loodtz Nettavisen 3. mai 2005
Pae Whites sceneteppe vant  nrk.no 3. mai 2005


NYHETER  MELDINGER

Teaternett formidler nyheter fra norsk og internasjonalt teater. Hjelp oss å være oppdatert! Skjer det noe der du er - send oss et tips! Vår epostadresse:  teaternett@teaternett.no